ITI, ಡಿಪ್ಲೋಮಾ ಸೇರುವ ಮುನ್ನ ಈ 8 ಕೋರ್ಸ್‌ಗಳ ಬಗ್ಗೆ ತಿಳಿಯಲು ಮರೆಯದಿರಿ, ಬೆಸ್ಟ್ ಅಂಡ್ ಬೆಸ್ಟ್ ಕೋರ್ಸ್.

ಹಲೋ ಸ್ನೇಹಿತರೆ, ಮಕ್ಕಳು ಎಸ್ ಎಸ್ ಎಲ್ ಸಿ ಎಕ್ಸಾಮ್ ಮುಗಿಸಿದ್ದು ಈಗ ಪಿಯುಸಿಯಲ್ಲಿ ಯಾವ ಕೋಶನ್ ತೆಗೆದುಕೊಳ್ಳುವ ಚಿಂತನೆಯಲ್ಲಿ ಇರುತ್ತಾರೆ ಏಕೆಂದರೆ ಮಕ್ಕಳಲ್ಲಿ ಈ ಗೊಂದಲ ಸಹಜ ಈ ಲೇಖನದಲ್ಲಿ ನಾವು ಆದಷ್ಟು ನಿಮಗೆ ಅರ್ಥವಾಗುವಂತಹ ರೀತಿಯಲ್ಲಿ ಕೆಲವೊಂದು ಕೋರ್ಸ್ ಗಳನ್ನು ನೀಡಲಾಗಿದೆ ಇದರಿಂದ ಈ ಲೇಖನವನ್ನು ಸಂಪೂರ್ಣವಾಗಿ ಓದಿ.

Remember to know about these 8 courses before joining ITI, Diploma
Remember to know about these 8 courses before joining ITI, Diploma

ಯಾರು ಎಷ್ಟೇ ಓದಿದರೂ ಸಹ ಬದುಕಿನ ಜಟಕಬಂಡಿ ಸುಗಮವಾಗಿ ಸಾಗಲು ಅತಿಮುಖ್ಯವಾದುದು ಒಂದು ಜಾಬ್. ಅದರಲ್ಲೂ ಕನಸಿನ ಜಾಬ್. ಹೆಚ್ಚು ಸಂಬಳ ನೀಡುವ ಜಾಬ್. ಈ ನಿಟ್ಟಿನಲ್ಲಿ ಎಸ್‌ಎಸ್‌ಎಲ್‌ಸಿ ನಂತರ ಒಂದು ಬೆಸ್ಟ್‌ ಜಾಬ್‌ ಓರಿಯೆಂಟೆಡ್‌ ಡಿಪ್ಲೊಮ ಇನ್‌ ಇಂಜಿನಿಯರಿಂಗ್ ಕೋರ್ಸ್ ಮಾಡಬೇಕು ಎಂದುಕೊಂಡವರು ಈ ಲೇಖನ ಓದಿರಿ. ನಿಮ್ಮ ಆಸಕ್ತ ಡಿಪ್ಲೊಮ ಕೋರ್ಸ್‌ ಆಯ್ಕೆ ಮಾಡಿಕೊಳ್ಳಿ. ಉದ್ಯೋಗ ಮಾರುಕಟ್ಟೆ ಹಾಗೂ ಕೈಗಾರಿಕೆಗಳ ಬೇಡಿಕೆಗಳಿಗೆ ತಕ್ಕಂತೆ ಮಾನವ ಸಂಪನ್ಮೂಲವನ್ನು ಒದಗಿಸುವ ಉದ್ದೇಶದಿಂದ ಪರಿಚಯಿಸಲಾದ 8 ಹೊಸ ಡಿಪ್ಲೊಮ ಕೋರ್ಸ್‌ಗಳ ಬಗ್ಗೆ ಒಮ್ಮೆ ತಿಳಿದುಕೊಳ್ಳಿ.

Diploma Courses After 10th and 12th 2024 : ಎಸ್‌ಎಸ್‌ಎಲ್‌ಸಿ ನಂತರ ಜಾಬ್‌ ಓರಿಯೆಂಟೆಡ್ ಕೋರ್ಸ್‌ ಮಾಡುವ ಬರದಲ್ಲಿ ಬಹುಸಂಖ್ಯಾತರು ಡಿಪ್ಲೊಮದಲ್ಲಿ – ಸಿವಿಲ್, ಕಂಪ್ಯೂಟರ್ ಸೈನ್ಸ್‌, ಇಲೆಕ್ಟ್ರಾನಿಕ್ಸ್‌, ಮೆಕ್ಯಾನಿಕಲ್, ಆಟೋಮೊಬೈಲ್‌, ಇಲೆಕ್ಟ್ರಾನಿಕ್ಸ್‌ ಅಂಡ್ ಕಂಮ್ಯುನಿಕೇಷನ್‌ ಎಂದು ಈ 6 ಪ್ರಮುಖ ಕೋರ್ಸ್‌ಗಳ ಆಯ್ಕೆಗೆ ಮುಂದಾಗುವುದು ಸಂಪ್ರದಾಯವಾಗಿಬಿಟ್ಟಿದೆ. 2024-25ನೇ ಸಾಲಿನ ಡಿಪ್ಲೊಮ ಇನ್‌ ಇಂಜಿನಿಯರಿಂಗ್ ಪ್ರವೇಶಾತಿ ಸದ್ಯದಲ್ಲೇ ಆರಂಭವಾಗಲಿದೆ.

ಡಿಪ್ಲೊಮ ಪ್ರವೇಶ ಆಸಕ್ತರು ತಿಳಿಯಲೇ ಬೇಕಾದ ಬಹುಮುಖ್ಯ ಮಾಹಿತಿ ಎಂದರೆ- ಕರ್ನಾಟಕದಲ್ಲಿ ತಾಂತ್ರಿಕ ಶಿಕ್ಷಣ ಇಲಾಖೆಯು 2021-22ನೇ ಸಾಲಿನಲ್ಲಿ 33 ಕೋರ್ಸ್‌ಗಳ ಪೈಕಿ, ಹಳೆಯ ಮತ್ತು ಅಪ್ರಸ್ತುತ ಕೋರ್ಸ್‌ಗಳನ್ನು ಕೈಬಿಟ್ಟು, ಹೊಸ 8 ಡಿಪ್ಲೊಮ ಇನ್‌ ಇಂಜಿನಿಯರಿಂಗ್ ಕೋರ್ಸ್‌ಗಳನ್ನು ಸೇರಿಸಿದೆ. ಈ ಹೊಸ ಕೋರ್ಸ್‌ಗಳು ಉದ್ಯೋಗ ಮಾರುಕಟ್ಟೆ ಹಾಗೂ ಕೈಗಾರಿಕೆಗಳ ಬೇಡಿಕೆಗಳಿಗೆ ತಕ್ಕಂತೆ ಮಾನವ ಸಂಪನ್ಮೂಲವನ್ನು ಒದಗಿಸುವ ಉದ್ದೇಶದಿಂದ ಪರಿಚಯಿಸಿದ ಕೋರ್ಸ್‌ಗಳು. ಈ ಕೋರ್ಸ್‌ಗಳನ್ನು ಉದ್ಯೋಗ ಮಾರುಕಟ್ಟೆ ಹಾಗೂ ಕೈಗಾರಿಕೆಗಳ ಬೇಡಿಕೆಗಳಿಗೆ ತಕ್ಕಂತೆ ಮಾನವ ಸಂಪನ್ಮೂಲವನ್ನು ಒದಗಿಸುವ ಗುರಿಯಿಂದಲೇ ಚಾಲನೆ ನೀಡಿರುವ ಕೋರ್ಸ್‌ಗಳಿವು. ಎಸ್‌ಎಸ್‌ಎಲ್‌ಸಿ ಪಾಸ್‌ ಮಾಡಿರುವ ನೀವೇನಾದರೂ ಡಿಪ್ಲೊಮ ಕೋರ್ಸ್‌ಗೆ ಪ್ರವೇಶ ಪಡೆಯಬೇಕು, ಯಾವ ಬ್ರ್ಯಾಂಚ್‌ಗಳು ಬೆಸ್ಟ್‌, ಯಾವೆಲ್ಲ ಬ್ರ್ಯಾಂಚ್‌ಗಳಿವೆ ಎಂದು ತಿಳಿಯಲು ಬಯಸಿದ್ದಲ್ಲಿ ಈ ಲೇಖನ ನಿಮಗೆ ಉಪಯುಕ್ತವಾಗುತ್ತದೆ. ಆದರೆ ಇಲ್ಲಿ 2021-22ನೇ ಸಾಲಿನಲ್ಲಿ ಪರಿಚಯಿಸಿದ ಹೊಸ ಡಿಪ್ಲೊಮ ಕೋರ್ಸ್‌ಗಳನ್ನು ಹಾಗೂ ಅವುಗಳ ಉಪಯುಕ್ತತೆಯ ಕುರಿತು ಮಾತ್ರ ಹೇಳಲಾಗಿದೆ.

ಹಾಗಿದ್ರೆ ತಡಮಾಡದೇ ಈ ಕೋರ್ಸ್‌ಗಳು ಯಾವುವು ಎಂದು ಕೆಳಗಿನಂತೆ ಓದಿಕೊಳ್ಳಿ.

ಸೈಬರ್ ಭೌತಿಕ ವ್ಯವಸ್ಥೆ ಮತ್ತು ಭದ್ರತೆ ಡಿಪ್ಲೊಮ

ಸೈಬರ್ ಭೌತಿಕ ವ್ಯವಸ್ಥೆ ಮತ್ತು ಭದ್ರತೆ ಡಿಪ್ಲೊಮ

Cyber physical system and security Diploma – ಈ ಡಿಪ್ಲೊಮ ಕೋರ್ಸ್‌ ಅಧ್ಯಯನ ಮಾಡುವುದರಿಂದ ಸೈಬರ್ ಸೆಕ್ಯೂರಿಟಿ ಫಿಸಿಕಲ್ ಸಿಸ್ಟಮ್ ಡೆವಲಪ್ಮೆಂಟ್‌ ಗೆ ಸಂಬಂಧಿಸಿದ ಪ್ರಿನ್ಸಿಪಲ್ಸ್‌, ಮಾಡ್ಯುಲ್, ಟೂಲ್ಸ್‌, ಪ್ರೊಸೆಸ್‌ಗಳ ಬಗ್ಗೆ ಅರಿವು ಮೂಡುತ್ತದೆ. ಸೈಬರ್ ಸೆಕ್ಯೂರಿಟಿ ಫೀಲ್ಡ್‌ನಲ್ಲಿ ಮಾಡರ್ನ್‌ ವೆರಿಫಿಕೇಶನ್‌, ವ್ಯಾಲಿಡೇಷನ್‌, ಇಂಡಸ್ಟ್ರಿಯಲ್ ಡೆವಲಪ್ಮೆಂಟ್‌ ಪ್ರೋಸೆಸ್‌ಗಳ ಬಗ್ಗೆ ಜ್ಞಾನ ಹೆಚ್ಚುತ್ತದೆ. ಈ ಕೋರ್ಸ್‌ ಮುಗಿಸಿದವರು ಬೇಗ ಜಾಬ್‌ ಪಡೆಯಬಹುದು. ಉನ್ನತ ಶಿಕ್ಷಣ ಆಸಕ್ತಿ ಇದ್ದಲ್ಲಿ ಲ್ಯಾಟರಲ್ ಎಂಟ್ರಿ ಮೂಲಕ ಬಿಇ ಎರಡನೇ ವರ್ಷಕ್ಕೆ ಡಿಸಿಇಟಿ ಪರೀಕ್ಷೆ ಬರೆದು ಸೇರಬಹುದು.

ಆಟೋಮೇಷನ್ ಮತ್ತು ರೊಬಾಟಿಕ್ಸ್ ಡಿಪ್ಲೊಮ

ಆಟೋಮೇಷನ್ ಮತ್ತು ರೊಬಾಟಿಕ್ಸ್ ಡಿಪ್ಲೊಮ

Automation and Robotics Diploma – ಆಟೋಮೇಷನ್‌ ಮತ್ತು ರೋಬೋಟಿಕ್ಸ್ ತಂತ್ರಜ್ಞಾನವು ಉತ್ಪಾದನೆಯ ಸ್ವಯಂಚಾಲನೆ, ಗುಣ ನಿಯಂತ್ರಣ ಮತ್ತು ಸಾಮಗ್ರಿ / ಸಾಧನಗಳ ನಿರ್ವಹಣಾ ಪ್ರಕ್ರಿಯೆಯನ್ನು ಹೊಂದಿರುತ್ತದೆ. ಆಟೋಮೇಷನ್‌ ಮತ್ತು ರೊಬಾಟಿಕ್ಸ್‌ ಸಾಧನಗಳ ಪರಿಶೀಲನೆ, ವಿನ್ಯಾಸ, ರಚನೆಗೆ ಸಂಬಂಧಿಸಿದ ಅಧ್ಯಯನ ಮಾಡಬಹುದು. ವೈವಿಧ್ಯಮಯ ಕ್ಷೇತ್ರಗಳಲ್ಲಿ ಅಂದರೆ ಮನರಂಜನೆ, ವೈದ್ಯಕೀಯ, ಆಹಾರ ಮತ್ತು ಪಾನೀಯ ಸಂಸ್ಕರಣ ಮತ್ತು ಪ್ಯಾಕೇಜಿಂಗ್, ಆಟೋಮೋಟಿವ್ ಮ್ಯಾನುಫ್ಯಾಕ್ಚರಿಂಗ್, ಫಾರ್ಮಸೆಟಿಕಲ್ ಕ್ಷೇತ್ರಗಳಲ್ಲಿ ಜಾಬ್ ಅವಕಾಶಗಳು ಹೆಚ್ಚು ದೊರಕುತ್ತದೆ. ಆಟೋಮೇಷನ್‌ ಸಲಹೆಗಾರರಾಗಿ ಸ್ವತಂತ್ರವಾಗಿ ಉದ್ಯಮವನ್ನು ಸಹ ಪ್ರಾರಂಭಿಸಬಹುದು.

ಕ್ಲೌಡ್ ಕಂಪ್ಯೂಟಿಂಗ್ ಮತ್ತು ಬಿಗ್ ಡಾಟಾ ಡಿಪ್ಲೊಮ

ಕ್ಲೌಡ್ ಕಂಪ್ಯೂಟಿಂಗ್ ಮತ್ತು ಬಿಗ್ ಡಾಟಾ ಡಿಪ್ಲೊಮ

Cloud Computing Diploma – ಕಂಪ್ಯೂಟರ್ ಕಾರ್ಯಾಚರಣೆಗಳಾದ ಸಂಗ್ರಹಣೆ, ನಿರ್ವಹಣೆ ಮತ್ತು ದತ್ತಾಂಶ ಸಂಸ್ಕರಣೆ ಅಧ್ಯಯನ ಈ ಕೋರ್ಸ್‌ನಿಂದ ಸಾಧ್ಯ. ಕಂಪ್ಯೂಟರ್ ಬಳಕೆದಾರರಿಗೆ ವಿಶ್ವದ ಯಾವುದೇ ಸ್ಥಳದಿಂದ ಅಪೇಕ್ಷಿತ ಪರಿಹಾರ / ಮಾಹಿತಿಯನ್ನು ನೀಡಲು ಕಲಿಸುವ ಕೋರ್ಸ್‌ ಇದು. ಈ ಶಿಕ್ಷಣವು ಕಟ್ಟಿಂಗ್ ಎಡ್ಜ್‌ ತಂತ್ರಜ್ಞಾನ, ಕ್ಲೌಡ್ ಕಂಪ್ಯೂಟಿಂಗ್‌ನ ಅನ್ವಯಿಕಗಳು ಮತ್ತು ವಾಸ್ತವಿಕರಣಗಳ ಪರಿಚಯ ಮತ್ತು ಜ್ಞಾನವನ್ನು ಹೆಚ್ಚಿಸುತ್ತದೆ. ಬಿಗ್‌ ಡಾಟಾ ಅಂದರೆ ಬೃಹತ್‌ ಪ್ರಮಾಣದ ಸಂಕೀರ್ಣ ದತ್ತಾಂಶಗಳನ್ನು ಸಂಖ್ಯಾಶಾಸ್ತ್ರ ಮತ್ತು ವಿಶ್ಲೇಷಣೆಯ ಹಿನ್ನೆಲೆಯಲ್ಲಿ ಚಾಲೆಂಜ್ ಆಫ್‌ ಕ್ಯಾಪ್ಜರ್, ಕ್ಯುರೇಷನ್‌, ಸಂಗ್ರಹಣೆ, ಹುಡುಕಾಟ, ಹಂಚಿಕೊಳ್ಳುವಿಕೆ ಮತ್ತು ದೃಶ್ಯೀಕರಣಗಳ ಪರಿಚಯ ಮಾಡಿಕೊಡುತ್ತದೆ. ಈ ಕೋರ್ಸ್‌ನಲ್ಲಿ ಪ್ರಾಯೋಗಿಕವಾಗಿ ಕೆಲಸವನ್ನು ಸಹ ಕಲಿಯಬಹುದು.

ಫುಡ್ ಪ್ರೊಸೆಸಿಂಗ್ ಮತ್ತು ಪ್ರಿಸರ್ವೇಷನ್ ಡಿಪ್ಲೊಮ

ಫುಡ್ ಪ್ರೊಸೆಸಿಂಗ್ ಮತ್ತು ಪ್ರಿಸರ್ವೇಷನ್ ಡಿಪ್ಲೊಮ

Food Processing and Preservation Diploma – ಆಹಾರೋದ್ಯಮ ಹಾಗೂ ಆರ್ಥಿಕ ಸಂಪನ್ಮೂಲ ವೃದ್ಧಿಗೆ ಕಾರಣವಾದ ವಿಷಯದ ಕುರಿತು ಶಿಕ್ಷಣ ಪಡೆಯಬಹುದು. ಕಚ್ಚಾ ಮೂಲ ಸಾಮಾಗ್ರಿಗಳನ್ನು ಅಹಾರವಾಗಿ ಪರಿವರ್ತಿಸಿ, ಅದನ್ನು ಸಂರಕ್ಷಿಸುವ, ಪ್ಯಾಕೇಜಿಂಗ್ ಮತ್ತು ಮಾರುಕಟ್ಟೆ ಹಂತದವರೆಗೆ ವಿತರಣೆ ಮಾಡುವ ಸರಣಿ ಪ್ರಕ್ರಿಯೆಯನ್ನು ಪ್ರಾಯೋಗಿಕ ಅನುಭವಗಳ ಮೂಲಕ ಕಲಿತುಕೊಳ್ಳಬಹುದು. ಸಾರ್ವಜನಿಕ ಹಾಗೂ ಖಾಸಗಿ ಕ್ಷೇತ್ರದ ಸಂಸ್ಥೆಗಳಲ್ಲಿ ಆಹಾರ ಸಂಸ್ಕರಣೆ, ಸಿದ್ಧಪಡಿಸುವ ಕಂಪನಿಗಳು, ಆಹಾರ ಸಂಶೋಧನಾ ಕಂಪನಿಗಳಲ್ಲಿ ಮತ್ತು ಫಾಸ್ಟ್‌ ಫುಡ್ ರೆಸ್ಟೋರೆಂಟ್‌ಗಳಲ್ಲಿ ಕೆಲಸ ಮಾಡುವ ಕೌಶಲ, ಜ್ಞಾನ ಈ ಕೋರ್ಸ್‌ನಿಂದ ಬೆಳೆಯುತ್ತದೆ.

ಪ್ರವಾಸೋದ್ಯಮ ಡಿಪ್ಲೊಮ

ಪ್ರವಾಸೋದ್ಯಮ ಡಿಪ್ಲೊಮ

Travel & Tourism Diploma – ನೀವು ಟ್ರಾವೆಲಿಂಗ್ ನಲ್ಲಿ, ಟ್ರಾವೆಲಿಂಗ್ ಉದ್ಯಮದಲ್ಲಿ ಆಸಕ್ತಿ ಹೊಂದಿರುವವರಾಗಿದ್ದರೆ ಈ ಕೋರ್ಸ್ ಉತ್ತಮ ಆಯ್ಕೆ ಆಗಿದೆ. ಕಾರಣ ಇಲ್ಲಿ ಪ್ರವಾಸೋದ್ಯಮ ನಿರ್ವಹಣೆ, ಟ್ರಾವೆಲ್ ಏಜೆಂಟ್, ಕಸ್ಟಮರ್ ಸರ್ವೀಸ್ ಮ್ಯಾನೇಜರ್, ಈವೆಂಟ್ ಮ್ಯಾನೇಜ್ಮೆಂಟ್, ಟೂರ್ ಮ್ಯಾನೇಜರ್, ಟ್ರಾವೆಲ್ ಮತ್ತು ಟೂರಿಸಂ ಕನ್ಸಲ್‌ಟಂಟ್‌, ಟೂರಿಸಂ ಪ್ರಮೋಟರ್ ಮತ್ತು ಮಾರ್ಕೆಟರ್ ಆಗಿ ಕರ್ತವ್ಯ ನಿರ್ವಹಿಸಲು ಬೇಕಾದ ಎಲ್ಲ ಕಲಿಕೆ ಈ ಕೋರ್ಸ್‌ ತೆಗೆದುಕೊಳ್ಳುವುದರಿಂದ ಸಾಧ್ಯ.

ಸೈಬರ್ ಭದ್ರತೆ ಡಿಪ್ಲೊಮ

ಸೈಬರ್ ಭದ್ರತೆ ಡಿಪ್ಲೊಮ

Cyber security Diploma – ಇದು ಟೆಕ್ನಾಲಜಿ ಜಗತ್ತು. ಬೆಳಿಗ್ಗೆ ಎದ್ದೇಳುತ್ತಲೇ ಜನರು ಗ್ಯಾಜೆಟ್‌ಗಳ ಬಳಕೆ ಆರಂಭಿಸಿದರೆ ಇನ್ನು ರಾತ್ರಿ ಮಲಗುವ ವೇಳೆವರೆಗೆ ಸಹ ಗ್ಯಾಜೆಟ್‌ಗಳು ಅವರೊಂದಿಗೆ ಇರುತ್ತವೆ. ಈ ನಿಟ್ಟಿನಲ್ಲಿ ನೋಡುವುದಾದರೆ ಡಾಟಾ ಭದ್ರತೆ ಅತಿ ಮುಖ್ಯವಾಗಿದೆ. ಈ ಹಿನ್ನೆಲೆಯಲ್ಲಿ ಸೈಬರ್ ಭದ್ರತೆ ಡಿಪ್ಲೊಮ, ಬಿಇ, ಎಂ.ಟೆಕ್‌ ಮಾಡಿದವರಿಗೆ ಜಾಬ್‌ ಮಾರುಕಟ್ಟೆಯಲ್ಲಿ ಸದಾ ಬೇಡಿಕೆ ಇದ್ದೇ ಇರುತ್ತದೆ. ಮಾಹಿತಿ ತಂತ್ರಜ್ಞಾನದಲ್ಲಿ ಸೈಬರ್ ಭದ್ರತೆ ವಿಶೇಷ ಕ್ಷೇತ್ರ. ಕಂಪ್ಯೂಟರ್ ವಿಭಾಗದಲ್ಲಿನ ಉಪ ವಿಭಾಗ ಇದು. ಆನ್‌ಲೈನ್‌ ಕಳ್ಳರಿಂದ ನೆಟ್‌ವರ್ಕ್‌ ಕಳ್ಳತನ ತಡೆಗಟ್ಟುವ, ಕಂಪ್ಯೂಟರ್‌ ನ ಡಾಟಾ ಭದ್ರತೆ ಕುರಿತು, ಕಂಪ್ಯೂಟರ್ ಆಪರೇಟಿಂಗ್ ಹಾಗೂ ಇತರೆ ಮಾಹಿತಿಗಳನ್ನು ಈ ಕೋರ್ಸ್‌ನಿಂದ ಕಲಿಯಬಹುದು. ಇದನ್ನು ಕಲಿತ ನಂತರ ಸೈಬರ್ ಸೆಕ್ಯೂರಿಟಿ ಆಫೀಸರ್ ಆಗಿ ಸರ್ಕಾರಿ ಇಲಾಖೆಗಳು, ಖಾಸಗಿ ಕಂಪನಿಗಳಲ್ಲಿ, ಇತರೆ ಕೆಲವು ಕ್ಷೇತ್ರಗಳಲ್ಲಿ ಜಾಬ್‌ ಪಡೆಯಬಹುದು.

ನಿರ್ದೇಶನ ಮತ್ತು ಚಿತ್ರಕಥೆ ರಚನೆ, ಟೀವಿ ಕಾರ್ಯಕ್ರಮಗಳ ನಿರ್ಮಾಣ ಡಿಪ್ಲೊಮ

ನಿರ್ದೇಶನ ಮತ್ತು ಚಿತ್ರಕಥೆ ರಚನೆ, ಟೀವಿ ಕಾರ್ಯಕ್ರಮಗಳ ನಿರ್ಮಾಣ ಡಿಪ್ಲೊಮ

Direction screen play writing and TV production Diploma – ನೀವು ಟಿವಿ ಮಾಧ್ಯಮದಲ್ಲಿ ಕರಿಯರ್ ರೂಪಿಸಿಕೊಳ್ಳಬೇಕು ಎಂದು ಆಸಕ್ತಿ ಹೊಂದಿದ್ದಲ್ಲಿ, ಈ ಕೋರ್ಸ್‌ ಬೆಸ್ಟ್‌. ಈ ಕೋರ್ಸ್‌ಗೆ ಪ್ರವೇಶ ಪಡೆಯುವವರು ಸಿನಿಮಾ, ಧಾರವಾಹಿ ಚಿತ್ರೀಕರಣ, ಟಿವಿ ಕಾರ್ಯಕ್ರಮಗಳ ರಚನೆ, ಸ್ಕ್ರಿಪ್ಟ್‌ ಬರವಣಿಗೆ ಸ್ಕಿಲ್‌ಗಳನ್ನು ಸಹ ಈ ಕೋರ್ಸ್‌ನಲ್ಲಿ ಕಲಿಯಬಹುದು. ಕೋರ್ಸ್‌ ಮುಗಿದ ನಂತರ ಮನರಂಜನೆ ವಾಹಿನಿಗಳು, ಸುದ್ದಿ ವಾಹಿನಿಗಳು ಎಲ್ಲಿ ಬೇಕಾದರೂ ಕರಿಯರ್ ಆರಂಭಿಸಲು ಕೋರ್ಸ್‌ ಉಪಯುಕ್ತವಾಗಿದೆ.

ಆಲ್ಟರ್ನೇಟಿವ್ ಎನರ್ಜಿ ಟೆಕ್ನಾಲಜಿ ಡಿಪ್ಲೊಮ

ಆಲ್ಟರ್ನೇಟಿವ್ ಎನರ್ಜಿ ಟೆಕ್ನಾಲಜಿ ಡಿಪ್ಲೊಮ

Alternative Energy Technologies Diploma – ಮೆಕಾನಿಕಲ್ ಹಾಗೂ ಇಲೆಕ್ಟ್ರಿಕಲ್ ಇಂಜಿನಿಯರ್ ಎರಡರ ಜ್ಞಾನ-ಕೌಶಲ್ಯವನ್ನು ಕಲಿಸುವ ಡಿಪ್ಲೊಮ ಇದು. ಬಹುಬೇಗ ಬೆಳೆಯುತ್ತಿರುವ ಈ ಟೆಕ್‌ ವರ್ಲ್ಡ್‌ನಲ್ಲಿ ಈ ಕ್ಷೇತ್ರವು ಸಹ ಹೆಚ್ಚು ಮುಂಚೂಣಿಯಲ್ಲಿದೆ. ಇದರ ಸಂಬಂಧಿತ ವಿಷಯಗಳಲ್ಲಿ ಅಂದರೆ ಪರ್ಯಾಯ ಇಂಧನದ ಮೂಲಗಳು, ಪವರ್ ಎಲೆಕ್ಟ್ರಾನಿಕ್ಸ್‌, ಉರುವಲು ಕೋಶ, ಹೈಡ್ರೋಜನ್, ಸೌರಶಕ್ತಿ ಮತ್ತು ಎನರ್ಜಿ ಜನರೇಷನ್‌, ಜೈವಿಕ ಇಂಧನಗಳ ವಿಷಯಗಳಲ್ಲಿ ಸಮರ್ಪಕ ಶಿಕ್ಷಣ ಇದರಲ್ಲಿ ನೀಡಲಾಗುತ್ತದೆ. ಸದರಿ ಕ್ಷೇತ್ರದ ತಂತ್ರಜ್ಞರಾಗಿ ರೂಪುಗೊಳ್ಳಲು ಅವಕಾಶ ನೀಡುವಂತಹ ಪಠ್ಯಕ್ರಮ ಈ ಕೋರ್ಸ್‌ನಲ್ಲಿದೆ. ಎಸ್ಎಸ್‌ಎಲ್‌ಸಿ ಅಥವಾ ಪಿಯುಸಿ ಪಾಸಾದವರು ಪರಿಸರದಲ್ಲಿ ಸಮರ್ಥವಾದಂತಹ ವೃತ್ತಿಯನ್ನು ಬಯಸಿದಲ್ಲಿ ಈ ಕೋರ್ಸ್‌ ಆಯ್ಕೆ ಮಾಡಿಕೊಳ್ಳಿ.

ಮಕ್ಕಳೇ ತಪ್ಪದೇ ಗಮನಿಸಿ ಗಮನವಿಟ್ಟು ನಿಮ್ಮ ಮುಂದಿನ ಹೆಜ್ಜೆಯನ್ನು ಇಡಿ ಈ ಹೆಜ್ಜೆಯು ನಿಮ್ಮ ಜೀವನಪೂರ್ತಿ ಆಧಾರವಾಗಿ ನಿಲ್ಲುತ್ತದೆ ಇದರಿಂದ ಸರಿಯಾದ ಕೋರ್ಸ್ ಅನ್ನು ಸೆಲೆಕ್ಟ್ ಮಾಡಿಕೊಳ್ಳಿ.

Leave a Reply

Your email address will not be published. Required fields are marked *